Operasyon batok STL gihugtan sa MCPO
CEBU, Philippines — Higpit nga gipuhag sa kapolisan sa Mandaue City Police Office (MCPO) ang ilegal nga operasyon sa small town lottery (STL) sa Dakbayan sa Mandaue nga miresulta sa pagkasikop sa 87 ka mga tawo.
Si Police Lieutenant Colonel Mercy Villaro, information officer sa MCPO mitug-an nga kining maong gidaghanon sa nasikop sukad pa niadtong Marso 24, 2021 hangtud niadtong Hulyo 9, 2021.
Matud pa ni Villaro nga gihingusgan nila ang operasyon batok sa ilegal nga STL sa human mopahibalo si Philippine Charity Sweepstakes Office (PCSO) General Manager Royina Garma sa P12 milyones nilang alkanse tungod sa ilegal nga operasyon sa STL.
Dugang pa ni Villaro nga resulta kini sa 84 ka operasyon nga gihimo sa mga sakop sa City Intelligence Unit (CIU) ingon man sa unom ka mga police station sa MCPO.—MEL (BANATNEWS)
- Latest
