P2.3 milyong shabu nasakmit'

CEBU, Philippines — Usa ka 32-anyos nga lalaki ang nasikop sa mga tinugyanan sa Mambaling Police Station sa buy bust operation niadtong Miyerkules sa gabii diha sa Barangay Mambaling sa dakbayan sa Sugbo.

Ang nasikop usa ka high value individual nga naila nga si Lancer Quiñones, trabahante sa usa ka cellshop nga nagpuyo sa maong barangay.

Ang grupo ni Police Major Dindo Juanito Alaras, hepe sa Mambaling Police Station nakasakmit og mga pinutos nga gidudahang shabu nga motimbang og 360 gramos nga mobalor og P 2.3milyones base sa Dangerous Drug Board Value ug buy bust money.

Si Quiñones nadakpan na niadtong 2018 tungod sa ilegal nga drugas apan nakagawas human niapil sa plea bargaining agreement. —IBM (BANATNEWS)