Sec.Duque: Pagpundo sa balay maoy kinanindotang regalo karong Pasko

Cebu, Philippines — Ang pagpabilin sa balay kauban sa pamilya niining panahon sa Pasko maoy usa sa pinakanindot nga regalong mahatag sa usa ka tawo sumala pa ni Health secretary Francisco Duque taliwala sa pandemya sa COVID-19.

Matud pa ni Duque, ang virus naa pa sa palibot ug dili matagna kung kinsay nagda niini. Mas maayo dili magdala og virus sa panimalay aron magpabiling Covid-free ang pamilya atol sa Pasko.

Mipasidaan sab siya nga kining pagduaw ug pagdawat og bisita o ba kaha family reunion usa sa mga posibleng makuha ang virus.

Ang pagsaulog sa kapaskuhan dili exempted sa virus ug mas angay pang maglikay ang mga tawo gikan sa maong sakit karong panahuna.

Niadto pang Oktubre, ang DOH nagpagawas na og Department Circular No. Ang 2020-0355 para sa mga risk mitigating measures batok COVID-19 lakip niini ang paglimita sa gidaghanon sa mga tawo sa social gatherings, meetings, ug ang paglikay sa biyahe labi na sa mga lugar nga napaubos sa quarantine.

Gisugyot hinuon ni Duque ang paggamit sa mga digital platform sama sa mga video call aron makontak ang mga paryente panahon sa Pasko. ( BANAT NEWS)