14 ka opisyal sa barili temporaryong gawasnon
CEBU, Philippines — Nahatagan og temporaryong kagawasan ang 14 ka opisyal ug kawani sa Barangay Tubod, Lungsod sa Barili human sila nalutsan og warrant of arrest sa korte kalabot sa giingong anomaloso nga pag-apod-apod sa Social Amelioration Program (SAP).
Si Mayor Julie Flores sa Lungsod sa Barili nagkanayon nga niadtong Oktubre 20, 2020 nalutsan og warrant of arrest ang 14 ka opisyal ug kawani sa barangay ug kagahapon sa buntag niadto sila sa buhatan sa mayor ug giubanan sila ni Flores ngadto sa polis aron boluntaryong motahan sa ilang kaugalingon.
Ug kagahapon usab ang maong mga opisyal ug kawani nibayad kini og piyansa alang sa ilang temporaryong kagawasan diha sa korte lungsod.
"Ang ilang arraignment gikatakda sa Nobiyembre 5, 2020 ug ang ilang abogado mao si Atty. Eddie Barrita. (BANAT NEWS)
- Latest
