Komunidad nakatabang pagtaho sa tigbakay

CEBU, Philippines — Ang lig-on nga kooperasyon ug relasyon sa komunidad ngadto sa kapolisan mao ang dakung natampo sa malampusong operasyon batok sa mga tigbakay.

Matud ni Police Colonel Roderick Mariano, direktor sa Cebu Police Provincial Office, nga ang katawhan na mismo ang nitaho sa mga tago nga tigbakay sa ilang lugar.

Pipila ka mga opisyal sa gobiyerno ang nalakip sa mga gipasakaan og kaso sa kapolisan gumikan sa pagtambong og mga tigbakay. “Lahat ng mga government officials na hindi nahuli during the conduct of the operation ay nag-file kami ng kasi, at large sila,” matud ni Mariano.

“Lagi kaming nagwa-warning na bawal ang mga social gatherings, lalo na yung illegal gambling but despite the warnings, meron pa ring matitigas ang ulo na mga government officials na supposedly sila yung nagpapatupad ng batas katulong sa kapolisan ay nag-uumpisa pa sa tigbakay,” dugang niya.

Sa pagkasikop sa daghang mga tawo lakip sa mga opisyal, matud ni Mariano nga pasidaan kini ngadto sa uban nga aktibo ang komunidad sa pagtaho ngadto sa mga tinugyanan sa balaud. Gihangyo usab ni Mariano ang kooperasyon sa publiko nga hunungon ang mga kalihukan sa ilegal nga sabong ug dili nila palapason bisan kinsa ilabi na nga anaa pa ang hulga sa coronavirus disease.

“At alam naman natin na kami sa police kahit na andito kami sa quarantine na status natin, hindi namin kinakalimutan yung panghuhuli lalo na dyan sa illegal gambing at sa illegal drugs,” dugang ni Mariano. /GMR (BANATNEWS)