Cellphone technician, laing 3 nakuhaan og shabu
CEBU, Philippines — Gidakop sa kapolisan sa Presinto 2 sa Mandaue City Police Office (MCPO) ang usa ka cellphone technician atol sa checkpoint utlanan sa Subangdaku sa may utlanan sa Dakbayan sa Sugbo alas 10 pasado sa niaging gabii.
Kini human napakyas sa pagpakita sa iyang lisensiya ug rehistro sa giluwanan niining motorsiklo.
Ang gidakop ug nakuhaan og usa ka paketeng shabu mao si Cyrel Sanchez, 25, taga dalan Cabantan, Dakbayan sa Sugbo.
Samtang mokabat usab sa P88,400 nga kantidad sa shabu ang nasakmit sa managlahing buy-bust operation nga gihimo sa kapolisan sa Presinto 5 sa Lapu-Lapu City Police Office (LLCPO) gikan sa tulo ka pusher sa Barangay Pusok, niadtong Biyernes sa gabii.
Si Police Captain Airbert Jay Samson nga maoy nangulo sa operasyon niila sa mga nadakpan nga sila si Don Pagulong Mangubat, 24, taga Sitio Upper Mustang, Pusok; Vincent Lucas Larido, 24, taga Sangi, Pajo ug Regelito Pacquiao Igot, 32, taga Sitio Matumbo, Pusok sa maong dakbayan.
Si Samson niingon nga ilang nasakmit gikan sa maong mga dinakpan ang 14.2 gramos nga shabu ug salapi nga P1,500 ug P500 nga buy-bust money.
Ang mga dinakpan nga gitanggong karon sa kapolisan ug gikatakdang pasakaan og kaso. (BANAT NEWS)
- Latest
