LGU profile ipa-update

CEBU, Philippines — Giawhag sa hunta probinsiyal sa Sugbo ang mga local government units nga i-update ang profile niini labi na sa mga importante nga detalye aron maoy subayon sa paghimo og mga polisiya.

Sa resolusyon nga gipangamahanan ni Bokal Thadeo Jovito Ouano nagkanayon nga ang pag-update sa profile sa usa ka LGU makatabang kini sa pagpalambo sa health and sanitation, solid waste, environmental, traffic ug uban pang plano nga gimando sa balaud ingon man makatabang kini sa peace and order, tourism, environment, education, research, ug commercial nga kalihukan.

“Such data/facts and figures of each LGU (barangay, towns and cities) can be used effectively to analyze and decide a certain matter relative to the promotion of peace and order, feasibility study in the aspect of investments, health, sanitation and environmental compliance in the aspect of government’s aim for balance and healthful ecology, academic research in the aspect of education and literacy and other meaningful public service,” pagbasa sa resolusyon ni Ouano.

Dugang pa nga kinahanglan ang maong datos nga wala gidili sa balaud nga ipagawas ngadto sa publiko nga libre ang kopya.

Matud ni Ouano nga importante ang updated profile sa mga LGU alang na usab sa mas sayon nga pagkuha sa impormasyon nga kinahanglan sa publiko. (/GMR)(BANATNEWS)