Unom ka asosasyon sa Negros Oriental nakadawat og hinabang sa DOLE
CEBU, Philippines — Unom ka nagkalainlaing asosasyon gikan sa Probinsiya sa Negros Oriental ang nakadawat niining semanaha og P3.39 milyones worth nga livelihood assistance gikan sa Department of Labor and Employment (DOLE)-7 kini matud sa ilang director Salome Siaton.
Ang mga nakabenepisyo sa maong livelihood assistance nga gikuha sa DOLE Integrated Livelihood and Emergency Employment Program (DILEEP) mao ang Apolong Women’s Association sa Lungsod sa Valencia; CLA –Malig-on sa Barangay Cabcaban sa Bindoy ug ang Rural Improvement Club sa Barangay Poblacion sa Zamboanguita.
Sa Guihulngan City, tulo ka dugang asosasyon ang nakadawat usab og financial assistance gikan sa DOLE nga gilangkuban sa Association of Coastal Residents sa Barangay Tinayunan; Tacpao Livelihood Association ug Bateria Livelihood Association (BALA).
Ang Apolong Women’s Association nakadawat og P752, 308 alang sa pag-finance sa ilang catering services ug Dine N’ Breakfast Project.
Nikabat sa P450,850 ang na-release ngadto sa CLA –Malig-on aron sa pag-finance sa ilang Hogs and Swine Feed alang sa tanang stages sa production venture.
Ang Rural Improvement Club sa Barangay Poblacion nakadawat kini og P402,300 nga gamiton sa ilang mga miyembro nga mag-uuma.
Ang asosasyon sa Coastal Residents sa Barangay Tinayuan nakadawat kini og P462,425 alang sa ilang bag-ong motorized banca ug nikabat ngadto sa P545,725 ang nadawat sa Tacpao Livelihood Association alang sa ilang cattle fattening ug organic fertilizer production.
Samtang ang Bateria Livelihood Association sa nakadawat og P783,850.00 isip enhancement assistance alang sa lang rental services sa tanang occasion project. (/BDB)(BANATNEWS)
- Latest