PNP wala motubay sa pasangil ni Tomas
CEBU, Philippines – Wala tubayi sa kapolisan ang mga pasangil ni Cebu City Mayor Tomas Osmeña batok kanila.
Sa social media gipadayag ni Osmeña ang pasangil niini batok sa mga polis nga nagtaptap sa nawong ug nagsakay og motorsiklo nga giingong maoy naglangkat sa ilang campaign materials diha sa Barangay Sinsin ug Bonbon nga mga bukirang barangay sa Dakbayan sa Sugbo.
Laing pasangil ni Osmeña nga giingong ang mga polis maoy nagbutang og mga unmarked checkpoints diha sa Barangay Agsungot ug Bonbon.
“No comment, he’s a candidate what more can I say?”, matud sa direktor sa Police Regional Office-7 Police Brigadier General Debold Sinas ug wala na kini mosumpay pa sa mao niyang pamahayag.
Samtang ang hepe sa Talamban Police Station Police Major Elisandro Quijano nagkanayon nga walay nireklamo diha sa ilang buhatan hinungdan nga wala sila mopahigayon og imbestigasyon kabahin niini.
“Amping ta kay nagkaduol ang eleksiyon. Nagkaduol ang eleksiyon nagkainit”, matud ni Quijano. (/BDB)(BANAT NEWS)
- Latest
