Spaghetti wires bawal na sa Naga

CEBU, Philippines — Mga utility lines sa Siyudad sa Naga dili na mahimong ipaagi sa mga poste ug kinahanglan na kining ipalubong sa yuta tungod sa peligrong dala niini  ug naghugawhugaw lang sa siyudad kun dili mamentinar og tarong sa mga kompanyang nag-instalar niini.

Ang Sangguniang Panlungsod sa maong siyudad nipasar og ordinansang “Utility Line Oridnance of the City of Naga.”

Sa explanatory note sa maong ordinansa, ang SP sa dakbayan nakakita nga daghan nang mga “spaghetti wires” sa taas o sa kilid sa kadalanan nakaguba na sa talan-awon ug kaanindot sa dakbayan.

“Apart from undermining the city’s aesthetic appeal, this visual clutter hanging overhead on leaning utility poles is putting at risk the safety of motorists, pedestrians and the general public especially during weather disturbances” pagbasa sa explanatory note sa Sangguniang Panlungsod.

Tungod niini ang konseho sa dakbayan sa Naga, nipalabang sa ordinansa aron nga mahipos sa ilawom yuta kining mga “spaghetti wires”.  Adunay giumol nga Utility Lines Intallation Coordinating Committee (ULICC) nga modumala, pag-regulate ug mokontrol sa tukorong mga underground utility line distribution system sa dakbayan.

Ang ULICC makigalayon sa Department of Public Works and Highways (DPWH) ug sa mga ahensya sa gobyerno ug pribadong sektor alang sa detalye sa disensyo ug pagtukod sa maong underground utility line distribution system. Gimando nga masugdan kini ug makompleto sud sa tulo ka tuig gikan sa pagaprobar sa ordinansa. (/IBM)(BANATNEWS)