Tag-iya og kan-anan mihimakak sa pasangil

CEBU, Philippines – Pinaagi sa gipatawag niya nga press conference kagahapon, midepensa sa iyang kaugalingon si Chad Regner, ang tag-iya sa I Love Bucket Shrimps human siya gireklamo nga nanghinol sa duha niya ka mga trabahanteng babaye.

Si Regner, miawhag sa mga netizens ingon man ang iyang mga kakompetsensiya sa negosyo nga hunongon na ang dili mao nga impormasyon kay usa kini ka matang sa extortion.

Gani iyang gipasamalatan ang iyang mga empleyado nga maoy yawe nga nagmalambuon ang iyang negosyo nga I Love Bucket Shrimps hinungdan nga dili siya makahimo og mga law-ay nga binuhatan ngadto kanila.

“I do not sexually harass my employees. I don’t want to make any speculations but it may be a classic case of extortion,” Dugang pa ni Regner.

Si Atty. Rhea Mae Senining-Judilla, legal counsel ni Regner miingon nga sa korte nalang nila ibutyag ang tanang detalye kabahin sa maong kaso ug mihangyo nga hatagan og “privacy” ang iyang kliyente.

“As of the moment, we would like to ask especially the media to respect his privacy.” matud ni Atty. Senining-Judilla.

Mihangyo sab si Regner nga unta dili apilon ang iyang negosyo diin adunay siyay napulo ka branches ingon man dili apilon ang iyang mga empleyado sa maong isyu.

“You can bash me, but not my business because you’re not breaking me, you’re breaking my staff, you’re breaking the business.” dugang pa ni Regner

Kahindumduman nga gidakop sa kapolisan niadtong Lunes sa gabii sa may Brgy. Capitol Site, Siyudad sa Sugbo si Regner gumikan sa pasangil nga gi “sexually harrased” niya ang duha niya ka mga empleyado. (/DILT)(BANAT NEWS)