E-jeepneys padaganon sa Lapu-Lapu
CEBU, Philippines — Gatusan ka environment-friendly jeepneys ang padaganon sa Dakbayan sa Lapu-Lapu.
Matud ni Mayor Paz Radaza nga kini ang gipahibawo ni Presidential Assistant for the Visayas Michael Dino sa niaging Association of Barangay Councils (ABC) Night nga kalihukan sa kapistahan sa Birhen sa Regla niadtong Lunes sa gabii.
"No less than CDA Administrator Benjie Oliva informed me today that the application is approved in principle, paving the way for the implementation of the transport modernization program of President Duterte in the city,” matud ni Dino.
Ang maong mga e-jeepneys mga solar-powered ug kabahin sa PUJ Modernization Program ni Presidente Rodrigo Duterte pinaagi sa Department of Transportation (DOTr).
Gibana-bana kini nga makapasakay og 20 ka pasahero hangtud sa 30 ka standing passengers ang maong sakyanan.
“It is safe because unlike the traditional mode of transportation, travel times of these modern e-jeepneys are in a precisely-timed-interval so drivers do not need to rush to get more passengers and making sure that you can ride every hour,” matud ni Radaza.
Wala pay saktong petsa kung kanus-a moabot ang mga e-jeepneys sa siyudad.
Sayo niini si Dutere niingon nga papason na ang mga pangpublikong sakyanan nga edad og 15 ka tuig pataas aron maminusan ang aso gikan niini. -/GMR (BANATNEWS)
- Latest
