Davide buot nang ipatangtang si Gwen
CEBU, Philippines — Nanghinaot karon si Gobernador Hilario Davide III nga mapatuman na ang dismissal order batok ni kanhi gobernador ug karon Kongresista Gwendolyn Garcia kalabot sa kaso nga iyang giatubang nga adunay kalambigitan sa backfilling sa kontrobersyal nga Balili property nga nahimutang sa Dakbayan sa Naga.
Subay kini sa pagbasura sa Court of Appeals (CA) sa petisyon pag-issue og Temporary Restraining Order (TRO) nga gisang-at ni Garcia pagpugong sa kamanduan nga siya palagputon sa katungdanan.
Sa siyam ka pahina nga resolusyon sa CA 9th division nga gipirmahan ni Associate Justice Dorothy Montejo-Gonzaga, gisaysay nga wala kini makakita og merito aron nga uyonan ang petisyon ni Garcia.
“No merit and urgency in the allegations for the immediate issuance of a TRO” pagbasa sa maong resolusyon.
Si Davide kinsa usa sa mga mipasaka og kaso kang Garcia kalabot sa backfilling sa Balili property nagkanayon nga gimanduan usab sila sa CA nga mokomento sa pagbasura sa appellate court sa petisyon ni Garcia.
“Hopefully ma-convince nato ang CA nga ang iyang arguments ni Garcia taphaw” matud ni Davide.
Si Davide uban ni Bise Gobernador Agnes Magpale ug anhing Bokal Arleigh Sitoy maoy mikiha ni Garcia og kasong administratiba tungod sa pag-backfill sa “submerge” nga parte sa Balili property.
Ang Ombudsman midesisyon na kini nga nagpabor nilang Davide ug gisilotan si Garcia ug dismissal ug perpetual disqualification. (BANAT NEWS)
- Latest
