Nahadlok sa checkpoint nilayat sa traysikol
CEBU, Philippines — Niambak sa iyang gisakyang traysikol ang usa ka lalaking gituohang adis-adis dihang nakakita sa checkpoint nga gihimo sa kapolisan sa Barangay San Roque, Dakbayan sa Talisay niadtong Domingo sa buntag.
Ang nasikop mao si Arvin Baclay, 36, taga Sitio Paglaum, Barangay Dumlog sa maong siyudad.
Sila si Chief Insp. Ardioleto Cabagnot, deputy chief sa Talisay City Police Station ug kaubanan ang nipahigayon sa checkpoint sa maong lugar.
Usa ka drayber sa traysikol nibutyag sa mga awtoridad nga nang-hitch ang suspek kaniya apan sa dihang nakakita kini sa checkpoint niambak ug nidagan palayo.
Nabantayan sa kapolisan ang suspek hinungdan sa ilang paggukod niini hangtud nga nasikop ug nakuhaan siya og usa ka gamay nga pakete sa shabu.
Giingong aduna pay gipanglabay ang suspek nga ilegal nga drugas sa dihang iyang nakita ang mga polis.
Gidala sa Talisay City Police Station ang suspek ug gitanggong sa bilanggoan. (BANAT NEWS)
- Latest
