Rerouting sa Gabii sa Kabilin
CEBU, Philippines – Ang Cebu City Transport Office, Traffic Patrol Group ug Cebu City Police Office mopatuman og temporaryong rerouting sa trapiko tungod sa mga pasirad-an nga dalan nga apektado sa selebrasyon sa “Gabii Sa Kabilin” karong alas 5 sa hapon nga mahuman og alas 12 sa kaadlawon.
Giawhag ang mga motorista nga mosunod sa traffic signs nga ipamutang sa maapektahang mga dalan sama sa Mabini, Colon, MJ Cuenco, Burgos, Osmeña Blvd., ug Lopez Jaena.
Sa laing bahin, andam na ang 30 ka mga museum sa siyudad para sa maong kalihokan matud pa ni Bryner Diaz kinsa OIC sa Cultural and Historical Affairs Commission sa siyudad.
Ang museum researcher sa Museo Sugbo nga si Ma.Cecilia Cabañes, miingon nga magpahigayon sila og libre nga boodle fight para sa mga unang moabot nga bisita sa Museo Sugbo. Mao na kini ang ika-12 ka tuig sa pagselebrar niini.(/IBM)(BANAT NEWS)
- Latest
