Sikad driver natulog gipusil

CEBU, Philippines – Gipusil sa wala mailhing lalaki ang usa ka traysikad driver sa Atis, Canjulao, Dakbayan sa Lapu-Lapu sa niagi’ng Sabado sa kaadlawon.

Sa inisyal nga pakisusi ni PO3 Luisito Ernie sa Lapu-Lapu City Police Office, ang biktima nga si Edilberto Pelausa, 26-anyos, residente sa maong dapit gikatahong natulog lang sulod sa traysikad alas 4:30 sa kaadlawon.

Usa ka lalaki ang gikatahong nitumaw sa likod niini ug kalit gipusil sa wala matino nga kalibre sa armas ug daling nisibat.

Nakaangkon og samad pinusilan sa agtang si Pelausa ug daling gidala sa mga nirespondeng barangay tanod sa Mactan Doctor’s Hospital. – /GMR) (BANAT NEWS)