Unom ka Sugboanon ni-top sa LET

CEBU, Philippines - Unom ka Sugboanon ang mi-top sa Licensure Examinatwion for Teachers (LET) sa elementary ug secondary level nga gipahigayon niadtong Septiyembre, 2015 sa Professional Regulatory Commission (PRC).

Upat sa maong Sugboanon ang mi-top sa elementary level nga gilangkuban nila ni Toni Rose Gutierez Fabila nga nakakuha og 86% ug nahimutang sa top 4, Lester Lumongsud Ochea, 85.60% nahimutang sa top 6, Ric Roland Castones Tardillo, 85% nahimutang sa top 9 ug Lordiel Mugol  Miasco,84.80% nahimutang sa top 10.

Si Fabila, Ochea ug Tardillo gikan kini sa University of Cebu in Lapu-Lapu and Mandaue. Samtang si Miasco gikan kini sa Cebu Normal Univeristy (CNU).

Laing duha nga taga CNU nga mi-top sa LET secondary level gilangkuban nila ni Anna Maria Garcia Tesiorna Ingcog, 88.20% nahimutang sa top 8 ug Christopher Iway Cabañog, 88% nahimutang sa top 9. Sumala pa sa PRC, 21,461 ka mga examinees gikan sa  68,442 examinees (31.36%) sa elementary ug 34,010 gikan sa 81,463 examinees (41.75%) sa secondary ang nakapasar.

Ang pasulit gihimo gikan sa 26 ka mga testing centers lukop nasud ug sa Hong Kong. (BANAT NEWS)