Gikan nag- withdraw nailad
CEBU, Philippines – Nabiktima ang usa ka 26-anyos nga babaye sa laing babaye nga nagpaila nga usa ka negosyante apan mangingilad sa Barangay Poblacion, Dakbayan sa Toledo.
Si Naome Sacaves, minyo, molupyo sa Barangay Biga ug kanhi barangay treasurer, ang nidangop sa Toledo City Police Station human giingong nailad.
Human naka-withdraw og kwarta ang biktima sa bangko, giingong kalit kini’ng giduol sa usa ka babaye nga nagpaila nga usa ka negosyante nga nangita og abangan nga sakyanan.
Sa dugay nila nga panag-estorya, usa ka lalaki nga giingong kauban sa babaye ang niagni sa biktima nga bayloan og daku’ng kantidad ang cellphone niini.
Gidala ang biktima sa mingaw nga dapit alang sa transaksiyon ug didto nidiskarte ang duha ug nakuha ang class ring ug cash nga mobalor og P15 mil. – /GMR) (BANAT NEWS)
- Latest
