Nagselos naghikog patay
CEBU, Philippines - Gituohang naghikog patay ang usa ka 27-anyos nga lalaki tungod sa selos sa DASPO, Don Andres Soriano, dakbayan sa Toledo. Giila sa kapolisan ang nagpakamatay nga si Jayson Villarmea kinsa naghigot og nylon nga pisi sa liog ug ang tumoy gihigot usab sa sagbayan sa atop.
Matud pa nga nahibulong ang amahan nga si Marciano Villarmea nga nagsiga pa ang suga sa panimalay sa iya’ng anak bisan taas na ang adlaw.
Hinungdan nga gisusi niini ug nasuta sa amahan nga locked ang pultahan sa panimalay.
Giguba niini ang pultahan ug pagsulod sa amahan nakita na lang ang iya’ng anak nga nagbitay.
Matud sa kapuyo nga si Liezel Lapera nga nagkalalis sila niadto pa’ng Sabado ug giingnan kini nga adto una papuy-on sa panimalay sa ginikanan sa babaye.
Naglingaw-lingaw pa ang biktima kauban sa iya’ng kaparyentehan una nahitabo ang insidente.
Dugang nakuha’ng impormasyon mao nga giingong pangabubho sa maguwang sa biktima ug problema sa pinansiyal ang hinungdan sa pag-unay og hunos sa kinabuhi. (BANAT NEWS)
- Latest
