Bishop Florencio nia na sa sugbo
CEBU, Philippines – Pormal nga dawaton karong adlawa si Obispo Oscar Jaime Florencio isip bag-ong Auxiliary Bishop sa Sugbo human sa iya’ng ordinasyon didto sa Palo Cathedral niadto’ng Biyernes.
Niabot sa Sugbo si Florencio kagahapon ug usa ka Santos nga Misa ang ipahigayun sa Cebu Metropolitan Cathedral nga dumalahon ni Arsobispo Jose Palma alas 10 karong buntag.
Niadto’ng Sabado gipahigayun ni Florencio ang thanksgiving celebration sa Borauen, Leyte nga gitambungan sa iya’ng pamilya, mga suod nga higala, mga classmates ug mga imbitado nga bisita.
Matud ni Laurencio Florencio, amahan sa Obispo, nga daku kaayo nila’ng kalipay ug grasya nga nadawat ang pagka-obispo sa iya’ng anak.
Kauban sa asawa nga si Florenda, ang mga ginikanan nanghinaut nga ampingan sa mga Sugbuanon ang ila’ng anak sa iya’ng paglihok sa Archdiocese of Cebu. – /GMR) (BANAT NEWS)
- Latest
