Cuevas magpabiling City Treasurer
CEBU, Philippines - Magpabilin gihapon nga acting City Treasurer si Diwa Cuevas sulod sa unom ka buwan human giaprobahan sa Department of Finance ang lugway nga gihangyo ni Mayor Michael Rama.
Giaprobahan ang hangyo niadto’ng Agosto 28 nga unta mahuman na ang termino ni Cuevas karong adlawa apan malugwayan kini hangtud sa Marso 2 sunod tuig.
Si Cuevas nilingkod isip acting City Treasurer niadto’ng Agosto 2013.
Base sa Local Government Code of 1991, kinahanglan nga adunay tulo ka tuig nga experience sa field sa treasury ug kinahanglan nga adunay college degree sa commerce ang molingkod sa pwesto.
Si Cuevas nagkanayun nga ni-apply na siya ug nihatag sa mga requirements nga kinahanglanon aron siya mamahimo nga permanente nga City Treasurer sa dakbayan sa Sugbo. (BANAT NEWS)
- Latest
