Klase sa Busay Elementary School gibalik na
CEBU, Philippines - Gibalik ang klase sa Busay Elementary School kagahapon sa tanan nga grado sa karaan nilang tunghaan nga ilang gibiyaan.
Matud sa principal nga si Pamela Oliva nga hapsay ug malipayon silang nabalik na sa ilang orihinal nga tunghaan. Dugang pa ni Oliva nga mapasalamaton sila ug masaligon nga komportable nga safe na sila nga karon nakabalik na sila sa ilang orihinal nga tunghaan nga diin adunay tarong nga emergency exit.
Nagkanayon usab si Oliva nga kagahapon nga pagbalik nila sa tunghaan miadto usab ang mga sakop sa Cebu City Disaster Risk Reduction Management Council (CCDRRMC), Department of Education (DepEd) Cebu Division, Local School Board ug Department of Engineering and Public Works (DEPW) aron pagsiguro sa kaluwasan sa sitwasyon. Sa susamang adlaw, nagpahigayon usab og meeting ang mga opisyales ug mga ginikanan aron pagpahibalo kanila nga luwas gamiton ang maong tunghaan.
Una na nga nipadayag ang pangulo sa LSB nga si Raddy Diola nga magtukod og dugang classroom sa BES.
Samtang magpahigayon og Fire, Earthquake ug Landslide Drill ang BES kini aron maalerto ang mga tinun-an pagluwas sa ilang kaugalingon sa panahon sa kalamidad. (BANAT NEWS)
- Latest
