MSWDO gikawatan

CEBU, Philippines – Gisusi sa kapolisan sa lungsod sa Compostela ang posible’ng inside job ang nahitabo’ng kawat sa Municipal Social Welfare and Development Office alas 10 pasado niadto’ng Domingo sa gabii.

Si Senior Police Officer 2 Larry Fernandez sa Compostela Police Station niingon nga ang kawani nga si Lexsil Dosdos Guarin, 38, nga taga Poblacion sa mao’ng lungsod ang nakadiskubre sa hitabo.

Matud ni Fernandez nga ila’ng nasuta sa imbestigasyon nga ang kawatan nakasulod sa buhatan agi sa luyo’ng pultahan nga nakalimtan sa pagkandado. Nakuha sa kawatan ang Central Processing Unit (CPU) sa computer sa mao’ng buhatan nga nagkantidad og P10,000. – /GMR) (BANAT NEWS)