Parking sa Farmers Market giabog
CEBU, Philippines - Nangreklamo ang mga tigpasiugda sa Farmers Market sa South Road Properties human giabog sa kapolisan ang mga nag-parking nga mga sakyanan daplin sa karsada niadto’ng Biyernes sa gabii.
Matud sa tigpamaba sa Farmers Market, Peter Visitacion, nga “sarcastic” ang pamaagi sa pagbadlong nga gigamitan pa og megaphone ug gibaharan nga matanggong ug matulog sa prisohan.
Nagduda si Visitacion nga may tawo nga nagpaluyo sa pag-abog sa mga sakyanan sa mga customer.
Si Cebu City Transportation Office (CCTO) operations office head Jonathan Tumulak niingon nga wala sila’y nadawat nga reklamo labot sa pagpang-abog.
Apan matud ni Tumulak nga iya’ng ipasusi ang mao’ng reklamo ug patubagon kung kinsa sa sakop sa SRP Police ang gireklamo.
Ang Farmers Market adunay gitagana nga parkingan ug matud ni Visitacion nga may buksan pa sila nga dugang duha ka parkingan. (BANAT NEWS)
- Latest