Gidunggab kay mibalibad pagpalit og bino
CEBU, Philippines - Usa ka 23-anyos nga lalaki gidunggab sa hubog niya nga silingan human kini mibalibad nga gisugo pagpalit unta og ilimnon nga makahubog didto sa Sitio Bantayan, Barangay Basdiot, Moalboal niadtong Biyernes sa gabii.
Base sa report sa kapolisan si Librado Galvero Jr. nakaangkon og duha ka samad dinunggaban sa iyang tiyan human dunggaba ni Felix Andaluna, 48, nga dali nga misibat.
Si PO3 Edwin Illut, desk officer sa Moalboal Police Station, miingon nga maayo na nga pagkahinanok sa biktima apan gipukaw g’yud kini ni Andaluna apan kay mibalibad sa sugo gikalitan pagdunggab.
Si Galvero nagpatabang sa iyang ginikanan ug dali siya nga gidala sa Badian District Hospital apan gibalhin sa Vicente Sotto Memorial Medical Center aron maatiman pag-ayo.
Gipangita pa sa kapolisan si Andulana nga misibat apan giandaman na og kaso nga serious physical injury tungod sa iyang pagdunggab sa biktima. (BANAT NEWS)
- Latest
