Drayber gipatay sa pasahero

CEBU, Philippines - Patay nang nadangat sa tambalanan ang usa ka drayber sa traysikol human kini pusila sa iyang pasahero sa Brgy. Tabunok sa dakbayan sa Talisay pasado alas 6 sa nakalabay nga gabii.

Ang biktima giila nga si Gaspar Quimbo, 47, taga Lawaan 2 sa maong siyudad, samtang ang gunman ang padayon pa nga giila sa kapulisan.

Sumala pa ni Police Officer 1 Maverick Polotan ang desk officer sa Talisay City Police nga nahinabi sa Banat News gikan sa Brgy. Pooc ang biktima ug paingon kini sa Tabunok.

Apan pag-abot sa maong dapit usa sa mga pasahero niini ang kalit lang nipusil sa iyang likod. Ang mga sakop sa Talisay Rescue Emergency Action Team (TREAT) sulay pa unta nga midala sa biktima sa Talisay District Hospital apan nakabsan kini sa iyang kinabuhi.

Personal nga bikil maoy gisubay karong anggulo sa kamatayon sa biktima. (BANAT NEWS)