Solicitation sa tournament gihimakak

CEBU, Philippines - Giklaro sa Cebu City Administrator nga wala’y solicitation letter ang kagamhanan sa dakbayan sa Sugbo nga gipangapud-apod alang sa premyo sa usa ka basketball tournament.

Matud ni Dr. Lucelle Mercado nga wala’y gipakatap nga solicitation letter ang kagamhanan sa dakbayan sa Sugbo.

Ang suwat gipirmahan sa giingong chairman sa torneyo nga si Eddie Ceniza, co-chairman Boboy Milan ug sekretarya nga si Roel Caña.

Matud ni Mercado nga ang mga ngalan nga nakasuwat sa solicitation letter mga binuhat-buhat lang.

Awhag ni Mercado sa mga nakadawat sa susama nga suwat nga modangop sa iya’ng buhatan aron ma-aksiyonan. (BANAT NEWS)