Gitigbas, tulo ka kuyamoy putol

CEBU, Philippines – Naputol ang tulo ka kuyamoy sa usa ka lalaki human gitigbas sa bana sa iyang ig-agaw sa barangay Magdugo, dakbayan sa Toledo.

Si Juvy Raffenan, 38, ang nakaangkon og samad tinigbasan human gikaaway niini si Renante Dacuma, bana sa iyang ig-agaw, pareho’ng nagpuyo sa nahisgutang lugar.

Sa imbestigasyon sa kapolisan sa dakbayan sa Toledo nasayran nga nagkalalis ang duha ug nisangpot sa pagpanigbas diin naigo ang wala nga kamot sa biktima nga gisagang sa hait nga hinagiban sa suspek apan maayo’ng pagkatabas sa tulo ka kuyamoy ug naputol ug gidali pagdala sa tambalanan.

Nasayran nga dugay na’ng adunay panagbangi ang duha kabahin sa yuta. – /GMR) (BANAT NEWS)