San Francisco VM namatay
CEBU, Philippines – Ang kagamhanan sa probinsiya mipaabot sa ilang pahasubo sa pamilya ni Bise Mayor Allan Arquillano sa lungsod sa San Francisco, Isla sa Camotes.
Si Aquillano kinsa nagpanuigon og 53-anyos namatay kagahapon sa buntag sa sakit nga cancer.
Si Arquillano napili kini kaniadto nga konsehal sa lungsod sulod sa tulo ka termino, usa ka termino isip presidente sa Association of Barangay Captains (ABC) ug napiling bise mayor sa lungsod sulod sa tulo ka termino. Atol sa pagserbisyo ni Arquillano sa gobiyerno ang lungsod sa San Francisco upat ka higayon kini nahimong grand champion sa E-Gwen Program, grand champion usab sa Our Cebu-2014.
Sa samang tuig ang lungsod sa San Francisco nakakuha kini sa DILG-Sealed of Good Governance ug nakadaog sa UN Sasakawa Award diin ang munisipalidad sa San Francisco nabutang sa world map ug nasentro sa global attention. – /EIM) (BANAT NEWS)
- Latest
