Operators supak pag-privatized sa CSBT

CEBU, Philippines – Bus ug mini bus operators sa Sugbo nibahad nga molusad og protesta kung ipamugos sa Kapitolyo ang pag- privatize sa Cebu South Bus Terminal.

Gihagit ni Julito Flores, presidente sa Cebu South Mini Bus Operators Association (CSMBOA) ang nagpasiugda sa Economic Enterprise Council (EEC) nga makig-atubang niya ug dili basta mopagawas og estorya. Si Flores supak sa maong plano kay matud niya mawala na ang pagka service oriented sa terminal ug magpasulabi ang pangwarta aron mokita og dako. Matud niya nga kun mahitabo kini ang mga yangungo sa mga pasahero di na madali og atiman tungod kay pribado na man kini nga kompanya. Nagtuo si Flores nga  dili kini plano ni Gov. Hilario Davide III ug nanghinaot siya nga dili kini uyonan sa gobernador.  – /EIM) (BANAT NEWS)