Duha ka estudyante may shabu gidakop

CEBU, Philippines - Gidakop sa kapolisan ang duha ka tinun-an sa high school human nakuhai og usa ka pakete’ng shabu ug drug paraphernalia sa barangay Tilhaong, lungsod sa Consolacion alas 3 pasado ang takna sa hapon niadto’ng miagi’ng adlaw.

Si Senior Police Officer 1 Francisco Perez Jr niila sa duha nga nadakpan nga sila si Jonard Apao, 19, ug Junnel Amistad Jubay, 20.

Matud ni Perez nga nasigpatan sa iyang kaubanan ang duha nga nagtunol og gamay nga plastic ngadto sa kauban.

Gisita ang duha ug girekisa ang kalawasan ug nasakpan kang Apao ang usa ka gamay nga pakete’ng shabu ug drug paraphernalia sab ang nasakmit kang Jubay. (Romeo T. Limpangog/GMR)(BANAT NEWS)