Sikad driver gipusil

CEBU, Philippines - Patay ang usa ka drayber sa traysikad human gipusil sa duha ka nagmotorsiklo   sa barangay Poblacion, lungsod sa Asturias niadtong nakalabay nga gabii.

Ang biktima naila nga si Rolly Esguera, 37, ulitawo ug nagpuyo sa maong lugar.

Sumala pa ni SPO3 Vincent Aguanta, alert team leader sa  Asturias Police, nga pasado alas 10 sa gabii samtang nagmaneho sa traysikad ang biktima, kalit lang gipusil igo sa likod sa gunman nga sakay sa itom nga motorsiklo nga nagsunod sa biktima.

Matud sa mga nakakita nga human nahagba sa karsada si Esguera nanaug pa sa motorsiklo ang gunman ug gitiwasan sa pagpusil ang biktima sa makaduha ka higayun dayun sibat.

Sigun pa ni Aguanta nga posible’ng sumpak o shotgun ang gigamit sa gunman sa pagpamusil base sa mga samad sa lawas sa biktima. (BANAT NEWS)