CAAP nisusi sa airport sa Camotes, Bantayan
CEBU, Philippines – Gisusi sa Civil Aviation Authority of the Philippines (CAAP) ang tugpahanan sa Isla sa Camotes ug Bantayan.
Tuyo niini nga mapalambo ug magamit na sa mga eroplano.
Ang general manager sa Mactan-Cebu International Airport, Engr. Nigel Paul Villarete, nibutyag nga ang CAAP nagpadala na og technical ug survey team sa lugar.
Matud ni Villarete nga posible’ng ugmaron ang tugpahanan sa Isla sa Camotes ug Bantayan sanglit wala kini nalakip sa concession agreement tali sa GMR-Megawide consortium nga mao na karon ang nagdumala sa MCIA.
Si Villarete niingon nga ang Department of Tourism (DOT), MCIAA ug CAAP interesado sa pag-upgrade sa pasilidad sa Bantayan ug Camotes nga duawonon sa mga turista.
Matud ni Villarete nga gisusi usab nila ang ubang mga lugar sa amihanan nga posibleng balhinan sa general aviation facilities nunot sa napanglantawan nga mo-grabe ang air-traffic sa Mactan. – /GMR) (BANAT NEWS)
- Latest