Natulog gibuk-an sa ulo
CEBU, Philippines - Patay ang usa ka lalaki human gibuk-an sa ulo sa gunman samtang kini natulog kilid sa karsada sa dalan Dimasalang, Pahina Central, dakbayan sa Sugbo sa niaging alas 4 sa kadlawon.
Ang biktima giila lang sa mga kauban nga si Brian, hingkod, wala’y trabaho ug magtulganan matag gabii sa maong lugar.
Matud ni SPO4 Alex Dacua, imbestigador sa homicide section sa Cebu City Police Office, nga posible’ng igo lang gibaslan ang biktima.
Sumala pa ni Dacua nga ilang nasayran nga manyimpohay sab sa lugar ang biktima ug posible’ng duna kini’y nabiktima ug gibaslan.
Daghan unta’ng nakakita sa lugar atol sa hitabo apan wala’y motug-an sa kapulisan may labot sa gunman.
“Daghang nakakita pero puros mo-ingon nga natulog ra daw sila,” matud ni Dacua.
Ang kapolisan nagduda nga revolver ang gigamit sa gunman kay wala’y basiyo sa bala nga nakuha sa crime scene. (BANAT NEWS)
- Latest
