CCPO nakalampas sa 2014 target
CEBU, Philippines - Sa pagtapos sa tuig 2014, nilapas sa target ang kapolisan sa pagsikop sa mga most wanted persons sa Sugbo ug pagsakmit sa mga ilegal nga armas.
Kini ang gibutyag sa hepe sa Police Community Relation (PCR) sa Cebu City Police Office, Chief Insp. Enrique Belciña. Sa top 10 most wanted persons, unom ang nasikop nga naglakip sa number 4 most wanted person nga si Troy Comaling nga duna’y kaso’ng murder.
Nasikop sab sa CCPO ang 188 ka tawo nga nasakpan nga nagdala og armas diin dunay 226 ka nagkadaiyang armas ang nasakmit.
Samtang sa mga pinangita sa balaud, moabot sab sa 400 ka tawo ang nadakpan sa nagkadaiyang kaso gikan sa Enero 1, 2014 hangtud Decembre 29, 2014.
Matud ni Belciña nga kini nagpasabot nga mas kugi ang kapolisan karong panahona sa paghimo sa ilang trabaho ug sa mga checkpoints.
Gipasabot ni Belciña nga bisan og dunay daghang polis ang nag-atubang og imbestigasyon sa Investigation Detection and Management Branch (IDMB) sa CCPO, daghan pa gihapon ang nagtinarung sa serbisyo.
Nanghinaut si Belciña nga karong tuiga mas mokunhod pa ang gidaghanon sa mga polis nga magpabadlong sa ilang serbisyo aron sa hingpit mas mapaduol pa sa katawhan ang presensiya sa kapolisan. (BANAT NEWS)
- Latest