Live-in partner sikop sa buy-bust

CEBU, Philippines - Nakuhaan og unom ka pakete sa ginadiling drugas ang managpuyo sa buy-bust operation sa barangay Gun-ob, dakbayan sa Lapu-Lapu alas 6:45 sa niaging Martes sa gabii.

Ang nadakpan mao sila si Joel Baguio, 35-anyos ug Daisy Atillo, 39-anyos, residente sa Purok Kawayan sa maong barangay.

Nakuha sa kapolisan ang lima ka gagmay’ng pakete sa ginadiling drugas gikan ni Baguio ug usa gikan ni Atillo.

Matud ni Police Senior Inspector Wilbert Parilla, hepe sa Gun-ob Police Station 3, nga dugay na nila’ng gipangita ang duha ka suspek nga apil sa watchlist sa kapolisan. (BANAT NEWS)