Grupo molimpyo sa mga tunghaan human sa Sinulog

CEBU, Philippines – Hulmahon ni Mayor Michael Rama ang programa nga gitawag og “Kahapsay After Sinulog” nga maoy mag-monitor sa paglimpyo sa mga tunghaan nga gamiton sa mga participants sa umaabot Sinulog 2015.

Kini aron pagseguro nga andam ang mga tunghaan sa pagbalik sa mga tinun-an.

Namatikdan nga dunay mga hugaw nga mahabilin sa mga tunghaan matag human sa Sinulog ug ang mga tinun-an mismo ang manglimpyo sa mga gipangbiyaan sa mga naggamit sa ilang classroom.

Ang programa sugdan sa umaabot Sinulog karong Enero pinaagi sa pagpili og mga sakop nga molimpyo sa mga tunghaan. – /GMR) (BANAT NEWS)