CEBU, Philippines - Tukuron ang usa ka task force aron pagseguro sa seguridad sa mga bakasyonista nga moagi sa tugpahanan sa Mactan.
Kini ang gipahibawo sa presidenti sa GMR-Megawide Cebu Airport Corporation, Louie Ferrer, sa iyang pagbisita sa buhatan ni Gob. Hilario Davide III.
Lakip sa atimanon sa task force nga pangulohan ni Department of Tourism-7 Regional Director Rowena Montecillo ang umaabot Pasko ug Sinulog 2015.
Subling gipanalipdan ni Ferrer ang isyu sa ilang pagdumala sa tugpahanan sa Mactan labi na sa pinansiyal nga kapasidad.
Matud ni Ferrer nga dili mosalig kanila ang ilang mga alalay sa bilyones nga proyekto kun wala pa sila’y katakus sa pagdumala ug pagpalambo sa tugpahanan. (BANAT NEWS)