Skyways ni Del Mar suportado ni Rama
CEBU, Philippines – Suportado ni Cebu City Mayor Michael Rama ang giduso nga House Bill 5142 ni Cebu City north district Rep. Raul Del Mar nga pagtukod og mga skyways sa dakbayan sa Sugbo aron mamenosan ang problema sa traffic.
Si Rama nga nagtuo nga manginahanglan ang dakbayan og susamang imprastraktura isip alternatibong solusyon sa mograbe pang problema sa traffic.
Si Del Mar nagtuo nga sa padayon nga paglambo sa ekonomiya sa Sugbo dili paigo ang palapad sa karsada, pagbutang og mga taytayan ug mga flood control facilities aron matubag ang problema sa trapiko.
Matud niya usa sa makatampo paghuot sa trapiko ang pagtaas sa populasyon ug tungod sa pagbalhin og puyo sa mga tawo sa Cebu City.
Una nang giduso ni Del Mar ang House Bill 5141 nga nagtinguha usab pagbutang og Subway Tunnel Transit sa dakbayan.
Matud pa ni Del Mar nga ang Bus Rapid Transit nga gikatakdang ipatuman sa siyudad makatabang sa pagkakaron, apan paglabay sa mga katuigan kuwangon usab kini. Ang maong balaudnon nag ung-ong karon sa kongreso ug padayon nga gitun-an. – /EIM) (BANAT NEWS)
- Latest