Kuyaw sa aksidente

CEBU, Philippines - Daghang mga motorista nga sagad moagi sa kinaubsang bahin sa Veterans Road dapit sa eskena Salinas Drive sa Barangay Lahug nagreklamo kay lisud ang pag-agi nila tungod sa dako kaayo’ng backhoe nga nagbabag sa karsada.

Ang backhoe gigamit kini sa Department of Public Works and Highways (DPWH) sa paghimo og drainage system mao nga giparada kini sa karsada ug halos giukopar ang subra sa katunga sa agianan sa sakyanan.

Sagad nga makasinati og grabe’ng problema sa trapiko ang mao nga bahin sa karsada kay maglisud ang mga sakyanan nga gikan sa ibabaw nga bahin, ilabi na kun magtuyok-tuyok na ang higante’ng backhoe.

Ang mao nga dapit gihimoan og dako ug lawom nga drainage system sa DPWH kay panahon nga kusog ang uwan kanunay nga mahisama sa sapa ang karsada.  (BANAT NEWS)