Mga nagumon sa drugas buot tabangan
CEBU, Philippines - Usa ka psychosocial intervention seminar ang gipahigayon sa World Health Organization (WHO) dinhi sa dakbayan sa Sugbo nga gitumong aron mahatagan og higayon nga mareporma ang mga nagumon sa ginadili nga drugas. Ang seminar kabahin lang sa kalihukan sa Philippine NGO Council on Population, Health and Welfare nga naghatag og pagtagad sa mga tawo nga nagumon sa maong bisyo.
Matud ni WHO consultant Tata Hernani nga ang ilang gihimo nga training nagtuki labot sa mga tawo nga tiggamitan og injectable drugs. Gidugang ni Hernani ang mga tawo nga nigamit niini maoy sagad nga mataptan sa sakit nga HIV, Hepatitis ug ubang mga transmittable diseases.
Ang psychosocial intervention gitumong aron magiyahan kadtong mga tawo nga tiggamitan sa injectable drugs aron maka-avail sa mga serbisyo nga gitanyag sa gobiyerno.
Alang kang Dr. Alice Utlang isip pangulo sa City Office for Substance Abuse Prevention (COSAP) dako og matabang ang maong kalihukan sa ilang ahensiya.
Kini tungod kay usa sa ilang trabaho mao ang pagtabang sa mga nabiktima sa drugas ug pinaagi sa maong kalihukan mahibaw-an nila kung asa nila i-refer ang usa ka tawo kun di na nila kaya sa ilang buhatan. Nasayran nga ang COSAP dunay programa “We Care Program†ug outpatient rehabilitation. (BANAT NEWS)
- Latest