CCTV di makapugong sa mga tulisan – CCPO
CEBU, Philippines - Gisusi sa kapolisan sa dakbayan sa Sugbo ang mga tulisan nga miltulis sa LBC Taboan tungod kay parehas kini og profile sa mitulis sab sa LBC Labangon sa miaging tuig. Kapolisan gusto nga di lang magsalig ang mga negosyante sa CCTV kondili mas maayong mokuha sila og gwardiya.
Si Chief Insp. Romeo Santander ang hepe sa City Intelligence Branch sa Cebu City Police Office miingon nga ilang gisusi ang mga suspetsado sa tulis sa LBC Taboan pasado alas-12 sa miaging udto. Dugang ni Santander nga ang maong matang sa pagbuhat sama sa tulis nga hitabo sa LBC Labangon sa miaging tuig.
Sumala pa ni Santander nga parehas gyud og “profile†ug “build†sa lawas sa mga responsable sa tulis sa Labangon ang mitulis sa Taboan nga branch sa LBC.
Apan ila pa kining gisuta og maayo tungod kay dili man kaayo klaro ang CCTV footage sa LBC Taboan.
Miingon si Santander nga ang kapolisan igo lang sa paghangyo sa mga tag-iya sa mga balay patigayon nga butangan og mga gwardiya ang ilang mga buhatan.
Bisan pa man dunay mga CCTV kung walay mga gwardya dili gihapon kini paigo sa pagpugong sa krimen sumala pa ni Santander. (BANAT NEWS)
- Latest
