Agriculture Awareness Program
CEBU, Philippines - Mipahigayon karon og awareness campaign ang Department of Agriculture (DA) labot sa pagsugod na sa pag-epekto sa Mild El Niño base sa gipasidaan sa weather bureau.
Si Fabio Enriquez sa operation division sa DA-7 nagkanayon nga nanghatag karon sila ug mga brochures ngadto sa mga kahugpungan sa mga mag-uuma dinhi sa Sugbo pagpahibawo sa angayan nga buhaton ning pag-igo sa El Niño.
Usa na niini mao ang pag-andam sa tinubdan sa tubig alang sa mga tanum. Si Enriquez nagkanayon nga usa sa labing dakong epekto sa El Niño mao ang pagkalangan sa pagpananum alang sa mga kamaisan ug kahumayan sanglit gipaabot nga mouga ang yuta ug lisod tamnan.
Miingon si Enriquez nga haum hinuon kining panahon sa ting-init sa ting-ani sa kahumayan sa sunod nga bulan tungod kay dali na man unya ang pagpauga sa pasi sa humay sa dili pa kini ipagaling.- (BANAT NEWS)
- Latest
