Balay nasunog, carcar gibahaan

CEBU, Philippines - Electrical short circuit ang hinungdan sa sunog nga miulbo sa sitio Kawayan, barangay Ticad, lungsod sa Daanbantayan pasado alas-2 sa miaging hapon.

Base sa imbestigasyon sa kapolisan nga ang sunog nagsugod sa balay ni Eumil Despi.

Sumala pa sa mga imbestigador nga sa wala pa masunog ang balay ni Despi nakabantay ang katabang niini nga dunay mibuto dapit sa aquarium hinungdan nga gipalong dayon sa katabang ang plangka ug milakaw aron ipahibalo sa iyang amo nga dunay mibuto sa iyang balay.

Apan sa pagbalik sa katabang  nasunog na ang balay sa iyang amo. Base sa taho sa kapolisan, ang fire investigator nga si FO3 Jose Dioscoro Aniban miingon nga electrical short circuit ang hinungdan sa sunog

Gibana-bana mikabat og P50 mil ang danyos sa maong sunog.

Sa laing bahin, nakasinati og flash flood ang barangay Poblacion I ug II sa dakbayan sa Carcar pasado ala una sa hapon kaniadtong Lunes.

Matud pa nga ang hinungdan sa maong pagbaha mao ang kusog nga uwan ug ang pag-awas sa sapa sa maong barangay.

Wala hinuo’y gikataho nga naangol ug nakalas sa maong hitabo. (BANAT NEWS)