DTI mutabang sa bag-ong negosyante

CEBU, Philippines - Gipasalig sa Department of Trade and Industry (DTI)7  nga  andam  sila nga  mutabang  sa matag  negosyante  nga  moduol  sa ilang  buhatan.  Si  Elias G. Tecson, hepe  sa Business  Development  Division  sa DTI 7  miingon  nga  ihatag  nila nga  libre  ug wala’y  bayad  nga pagtudlo alang sa mga negosyante nga  mangonsulta  kanila  bahin  sa ilang  produkto.       Miingon  si  Tecson  nga mas menus  og  kitaon  ang  produkto  nga  wa’y maayong  kalidad  sa  putos  ug desinyo  sa pagbutang  og ngalan  niini.      

Gipasalig ni  Tecson  nga kumpleto  ang  DTI  og  mga  tawo  nga  tugyanan  nila  sa pagtudlo  sa  usa  ka  negosyante sa matang  sa  putos  nga  gamiton  ug  ang  desinyo  sa  pagplastar  sa ngalan  niini.       Alang  kang  Tecson  nga  ilang  dungog  kun  ang  usa ka  produkto  kusog  ang  halin  dinhi  sa ato  ug  sa gawas  pinaagi  sa gipatahom  nila  ang  kalidad  sa putos  niini.      

Midugang siya  nga  bisan  unsa  kalami  sa produkto  nga  makaon  apan  ang  putos  niini wa  mohaum  sa iyang  kalami,  wa  gihapoy bili  alang  sa mga  mamalit.   Kini  tungod  kay  ang  matang  sa putos  ug desinyo sa pagbutang  og  ngalan  niini  usa  sa makapadani sa mamalit.       Magpaabot  sila  sa  moduol  sa ilang  buhatan alang  sa  seminar  nga ilang itunol ngadto  sa mga  negosyante  nga  bag-o  pang  mosugod  sa  pag-promote   sa  ilang  produkto. (BANAT NEWS)