Konseho uyon nga taroka’g tunghaan ang Ermita

CEBU, Philippines - Ang Committee on Social Services sa Cebu City Council walay pagsupak nga tabangan sa dakbayan ang kapin sa 30 ka pamilya nga maapektahan sa pagmugna og tunghaang publiko sa Barangay Ermita.

Matud ni Konsehal Gerardo Carillo, tsirman sa Committee on Social Services, nga dili supak sa balaud kun hatagan og relocation site o kaha financial assistance ang mga nagpuyo sa Mandatan Building.

Ang mao nga building nga nahimutang sa Barangay Ermita gipuy-an  sa kapin sa 30 ka pamilya nga Muslim ug sila papahawaon na kay ang mao nga dapit tukoran na og tunghaan.

Ang Ramon Aboitiz Foundation Incorporated (RAFI) maoy motabang nga ang Barangay Ermita makaangkon og tunghaan nga kantidad og P13 milyones.

Si Konsehal Carillo mihimo og committee report nga mihatag og pabor sa resolusyon ni Konsehal Alvin Dizon ngaangayngatabanganangmga apektado nga pamilya.

Ang mga konsehal miingon nga anaa na ni Mayor Michael Rama kun unsaon niya pagtabang ang mga pamilya nga maapektahan sa pagmugna og tunghaan sa Barangay Ermita. (BANAT NEWS)