Tining Martinez way makaatbang ABC elections sa lalawigan
CEBU, Philippines - Hayan walay kaatbang si kanhi Bogo City mayor Celestino “Tining†Martinez III sa iyang pagpapili isip pangulo sa Association of Barangay Councils (ABC) sa lalawigan sa Sugbo karong adlawa.
Si Martinez walay kontra sa niaging eleksiyon sa barangay isip kapitan sa Cayang ug mao karon ang presidenti sa ABC sa dakbayan sa Bogo nga ubos sa iyang amahan nga si Mayor Celestino “Junie†Martinez Jr.
Ang kasamtangang pangulo sa ABC nga si Bokal Jose Ribomapil Holganza Jr. nipahibawo nga ubos nga posisyon ang iyang lansaran isip sakop sa Board of Directors.
Si Holganza mao gihapon ang pangulo sa ABC sa lungsod sa Bantayan human wala usab siya’y kontra pagpili isip kapitan sa barangay Bawod.
“Di ko gusto bahinon ang Liga on the basis of the old divides sa last elections. I would rather nga the forthcoming election will become part of the closure sa niaging election,†matud pang Holganza.
Ang pangalan sa bise presidente sa ABC sa lalawigan sa Sugbo nga si Emerito Calderon sa Samboan nigawas nga usa sa mga kandidato gawas ni Martinez.
Apan ang anak niini nga si Bokal Peter John Calderon mitataw nga dili molansar ang iyang amahan.
Sila si Martinez ug Calderon parehong kaalyado sa Liberal Party samtang si Holganza kaalyado sa One Cebu Party.
Human nilingkod ang mga lider sa LP nga sila si Gob. Hilario Davide III ug Bise Gob. Agnes Magpale sa Kapitolyo, ang mga liga gidominar na usab sa ilang mga kaalyado sa LP. (BANAT NEWS)
- Latest
