Napasok sa trak
CEBU, Philippines - Patay ang angkas samtang kritikal ang kahimtang sa usa ka kolektor human mapasok ang motorsiklo nga ilang gisakyan ilawom sa usa ka Mitsubishi Side Truck nga nagparking sa sitio Lapu-lapu, barangay Poblacion sa lungsod sa Asturias kagahapon sa alas 10:20 sa buntag.
Ang namatay giila nga si Resituta Oaminal, taga dakbayan sa Danao, samtang kritikal si Richel Oporto Borlaos, 25, taga barangay Aliwanay sa lungsod sa Balamban, ang duruha nagtrabaho sa Fennel Money Exchange.
Si PO2 Derwin Suico dihang nahinabi sa Banat News mitug-an nga nakaparada kilid sa national road ang truck dihang napasok ang motor nga gimaneho ni Borlaos sa luyong bahin sa maong sakyanan samtang sila nagpadung sa Tuburan
Daling gidala ang duha sa Balamban Provincial Hospital apan gideklarar si Oaminal nga patay na dihang nahidangat didto. (BANAT NEWS)
- Latest
