Ilhon ang kaugalingon

CEBU, Philippines - Sa atong pakigbisog ning kinabuhia, wa kita’y kalainan sa sundalo nga una isabak sa misyon o sa panggubatan, kinahanglan kini bansayon ang panglawas ug utok, aron mahingpit nga andam adunay ikabuga nga malamposon sa iyang katuyoan. Mao usab kita nga samtang nakigbisog alang sa kalamposan sa atong pangandoy, angay iseguro nga magmadaugon gayud kita sa pangandoy nato.

Dili igo nga basta ka lang nasayud o nakahibawo sa imong gusto nga pangandoyon sa kinabuhi, unya moarangkada dayon nga morag nagpataka la’g hasmag nga way gihimo nga batakang paagi pagsubay sa tukmang lakang ngadto sa pagkab-ot nga malipayon sa iyang ganti sa pakigbisog. Mao nga kanunay lang kapakyasan ang naani ug nawad-ag kusog nga molahutay pa.

Tungod niini, himoang giya o leksyon ang imong mga kapakyasan nga maoy motudlo kanimo nga mabansay ikaw sa daghang stratehiya nga makaigo kang madasigon sa pagkombati sa daghang kaaway nga mobabag sa kadaugan nimo. Angay mong tutokan labaw sa tanan ang imong katakos o pag-ila sa kaugalingon mong kapasidad o kapabilidad, aron positibo permi ka maisogon sa pakigbisog.

Kun mabansay kana ini, ihan-ay ang tanang buhaton nga may prayoridad nga dili mo laktoron ang imong mga plano aron paglikay sa kahasol. Lig-ona ang kaugalingon nga maumol ka sa pag-antos uban ang pailob sa pagpaabot. Kun buot kita nga ang kalamposan nga atong dawaton, molungtad ug malipayon nga imo gayud kini nga kapuslan sa tibuok mong kinabuhi, isalig sa Dios ang tanan.

Ayaw la’g kalimot nga human maila ang kaugalingon mo, ang katakos nga anaa kanimo, mahimo kanang bawion sa Kahitas-an kun imo kanang gamiton aron sa pagpahimulos lamang sa kaugalingon o pamentaha nga way pakabana nga motabang sa isig ka tawo. Ang kahakog nga mao nay momando sa imong kasingkasing, kuyaw nga maulipon ka sa mga buhat nga makapadaut ra kanimo.

Busa, ampingi ang kaugalingon nga dili madaot ang kredibilidad nga ikaw pabilin nga katuhoan ug respetuhan sa katilingban, nga maoy pag-ila og utang kabubut-on diha kanimo gumikan kay giayo mo usab ang pag-ila sa imong kaugalingon, nga maoy sukdanan sa hiyas nga dili katumbasan og bulawan.

Naghikog tungod sa diabetes

Lalaking giingong dunay sakit nga diabetes naghikog tungod sa kaguol  sa iyang gihambing balatian diha sa ilang balay sa Sityo Baybay Poblacion West sa lungsod sa Moalboal.

Ang nagpakamatay mao si Paulo Aquino, 63-anyos, minyo ug nagpuyo sa maong lugar.

Matud ni PO2 Benedicto Rubia sa Moalboal Police dihang nahinabi sa Banat News nadiskubrehan sa inahan niini nga si Elibetaria Aquino ang anak nga nagbitay na ug may hikot nga pisi sa liog.

Gisuwayan pa unta kini og dala sa tambalanan sa pamasin nga maluwas apan si Dr. Cesar Mahinay, municipal health officer sa Moalboal nideklarar niining patay na. (BANAT NEWS)