Traffic court mugnaon

CEBU, Philippines - Gisugyot sa mga konsehal sa dakbayan sa Sugbo ngadto sa Court Administrator nga magmugna og Traffic Court dinhi sa dakbayan aron mopaspas ang paghusay sa mga kaso nga naglambigit sa pagmaneho og sakyanan.

Matud ni Konsehal Gerardo Carillo nga nabantayan niya nga pwerteng dugaya mahatagan og hustisya ang mga kaso nga naglambigit sa trapiko tungod kay daghan man nga mga kaso ang atimanon sa mga buhis sa lainlaing hukmanan.     

Si Carillo miingon nga kun adunay Traffic Court mosangpot kini sa paspas nga paghusay sa mga kaso.

Ang awhag ni Carillo gisuportahan sa iyang mga kauban sa Cebu City Council, ilabi na nga gibutyag ni Carillo nga dinhi sa dakbayan sa Sugbo kapin sa 800 ka traffic-related nga kaso, ug 20 ngadto sa 30 niini naglambigit og pagkaangol ug pagkamatay sa mga tawo.

Dinhi sa dakbayan adunay mga special courts nga gitahasan lang paghusay sa mga family-related cases ug mga drug cases.

Ang resolusyon ni Carillo nag-awhag nga ang dakbayan sa Sugbo mahimong motabang pinaagi sa pagdistino og mga kawani nga makaabag sa gimbuhaton sa hukmanan.  (BANAT NEWS)